Freedom Bank «Даму» кәсіпкерлікті дамыту қорымен микро, шағын және орта жеке кәсіпкерлік субъектілерін кейіннен қаржыландыру үшін "Өрлеу" өніміне қатысу туралы келісім жасасты.

Кәсіпкерлер бизнеске жылдық 12,6% жеңілдетілген мөлшерлеме бойынша несие алуға мүмкіндік алды (ЖТСМ 13,1%-дан 15,2%-ға дейін).

«Өрлеу» бағдарламасы шағын және орта бизнес субъектілеріне 120 айға дейінгі мерзіммен 7 млрд.теңгеге дейін несие алуға мүмкіндік береді. Бұл ретте ол кәсіпкерлік қызметтің кең ауқымды бағыттарын қамтиды.

«Өрлеу» бағдарламасы бойынша несие алу үшін кәсіпкерлерге жақын жердегі Freedom Bank бөлімшесіне хабарласу қажет.